“Biz gələcəyik!” adlı yay düşərgəsinin 5-ci günü

“Biz gələcəyik!” adlı yay düşərgəsinin 5-ci günü

Ailə, Qadın və Uşaq Problemləri üzrə Dövlət Komitəsinin təşkilatçılığı ilə keçirilən “Biz gələcəyik!” adlı yay düşərgəsinin beşinci günü baş tutub.

Beşinci gündə iştirakçılara “Təqdimat və ünsiyyət bacarıqları” adlı növbəti təlim keçirilib. Təlimdə uşaqlara ünsiyyətin iş mühitində önəmi, aktiv dinləmə, təqdimat bacarıqları və bədən dili kimi mövzular praktiki işlərlə izah edilib.

Sonra intellektual oyun keçirilib. Təşkil olunmuş intellektual oyun zamanı beş komanda üzrə iştirak edən uşaqlara Azərbaycan mədəniyyəti, ədəbiyyatı, və ümumi dünyagörüşü istiqamətində suallar verilib. Sonda qalib komanda mükafatlandırılıb.

Daha sonra İsmayıllı rayonunda yerləşən Heydər Əliyev adına parkda estafet, futbol, voleybol oyunları keçirilib.

Yay düşərgəsinin beşinci günü musiqili əyləncə ilə yekunlaşıb.