“Biz gələcəyik!” adlı yay düşərgəsinin 4-cü günü

“Biz gələcəyik!” adlı yay düşərgəsinin 4-cü günü

Ailə, Qadın və Uşaq Problemləri üzrə Dövlət Komitəsinin təşkilatçılığı ilə keçirilən “Biz gələcəyik!” adlı yay düşərgəsinin dördüncü günü baş tutub.

Yay düşərgəsinin dördüncü günü iştirakçılara şəxsi inkişaf üzrə təlimçi-mentor Cavidan Səfərli tərəfindən “Zamanın idarə olunması (Time management)” adlı növbəti təlim keçirilib.

Təlimdə iştirakçılara “Zamanın idarə olunması (Time management)” adlı növbəti təlim keçirilib. Təlimdə uşaqlara vaxtın xüsusiyyətləri, Zenhaur metodu, alətlər və resurslar, vaxtın idarə olunmasının əsasları praktik metodlarla izah edilib. Təlim çərçivəsində qrup işlərinə və yeni innovativ üsullara üstünlük verilib.

Sonra yay düşərgəsinin iştirakçıları İsmayıllı rayonu Heydər Əliyev Mərkəzini ziyarət edib.

Mərkəzin ekspozisiya zallarında Ümummili lider Heydər Əliyevin həyat və fəaliyyətini əks etdirən fotoşəkillər, sənədlər, kitablar ilə tanış olan uşaqlara ulu öndərin zəngin irsi, həyatı və siyasi fəaliyyətinin bütün dövrləri barədə ətraflı məlumat verilib. Sonda düşərgə iştirakçıları pianinoda ulu öndərin sevdiyi müsiqiləri ifa edib, onun həyatından bəhs edən sənədli filmə baxıblar.