Qəbələ regionu üzrə nümayəndəmizin təşəbbüsü ilə “Kiber təhlükəsizlik” təlimi

Qəbələ regionu üzrə nümayəndəmizin təşəbbüsü ilə “Kiber təhlükəsizlik” təlimi

Uşaq Səfirlər Məclisinin Qəbələ regionu üzrə nümayəndəsi Ayan Ağalının təşəbbüsü, Qəbələ rayon İcra Hakimiyyətinin, Qəbələ rayon Təhsil Sektorunun və Qəbələ Dövlət Peşə Təhsil Mərkəzinin dəstəyi ilə Qəbələ Dövlət Peşə Təhsil Mərkəzində “Kiber təhlükəsizlik” təlimi keçirilib.

Təlimdə region fəalları, Qəbələ rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Pərvin Məmmədov, Dövlət Peşə Təhsil Mərkəzinin müəllimi və tələbələri iştirak edib.

Region nümayəndəsi Ayan Ağalı çıxış edərək virtual aləmdə kibertəhlükəsizliyin önəmindən və uşaqların informasiyaların zərərindən qorunmasının vacib olduğunu bildirib.

Sonra Peşə Təhsil Mərkəzinin müəllimi, təlimçi Sahil Yusibov informasiya təhlükəsizliyi və kibertəhlükəsizlik mövzusunda təlim keçib. Təlim zamanı IV sənaye inqilabı dövründə məlumat çoxluğunun müsbət cəhətləri ilə bərabər zərəli tərəflərinin də çoxluq təşkil etdiyini və təhlükəyə çevrildiyini, bu kimi hallar ilə mübarizənin artıq vahid qanun və dövlət proqramı ilə tənzimləndiyini, belə hallar ilə rastlaşdıqda atılacaq addımların mərhələli izahı verilib.

Sonra uşaqların mövzu ilə bağlı sualları cavablandırılıb.