Azərbaycan Uşaqlarının VI Ümumrespublika Forumuna hazırlıq çərçivəsində Uşaq Səfirlər Məclisi üzvləri ASAN Xidmətin sədri Ülvi Mehdiyev ilə görüşüblər.

Azərbaycan Uşaqlarının VI Ümumrespublika Forumuna hazırlıq çərçivəsində Uşaq Səfirlər Məclisi üzvləri ASAN Xidmətin sədri Ülvi Mehdiyev ilə görüşüblər. 

Görüş zamanı Ülvi Mehdiyev Məclis üzvlərinə ASAN Xidmətin fəaliyyəti, könüllülük proqramları və gənclərin sosial layihələrdə iştirakı üçün yaradılan imkanlar haqqında ətraflı məlumat verib. Müzakirələr zamanı süni intellektin gələcəkdə ASAN Xidmətdə istifadəsi və bu texnologiyanın cəmiyyətə təsiri barədə maraqlı fikir mübadiləsi aparılıb.

İştirakçılar həmçinin ASAN Xidmətin Bilim Bakı, ABAD sosial layihəsi və İnnoLand kimi innovativ layihələri ilə tanış olub. 

Görüşün sonunda Ülvi Mehdiyev gənclərə gələcək fəaliyyətlərində uğurlar arzulayaraq, onların Azərbaycan cəmiyyətinə töhfə verəcək sosial təşəbbüslərdə fəal olmalarının vacibliyini vurğulayıb.