Uşaq Səfirlər Məclisinin Xocavənd rayonu üzrə regional nümayəndələri Namazlı Elmir və Şirinzadə Aysunun təşəbbüsü

Uşaq Səfirlər Məclisinin Xocavənd rayonu üzrə regional nümayəndələri Namazlı Elmir və Şirinzadə Aysunun təşəbbüsü, Xocavənd Rayon İcra Hakimiyyətinin nəzarəti və dəstəyi ilə bir qrup məktəblinin Xocavənd rayonuna ekskursiyası təşkil olundu.

Səfərin əsas məqsədi şagirdlərin Qarabağın tarixi ilə yaxından tanış olması, azad edilmiş torpaqlara səfər çərçivəsində vətənpərvərlik ruhunun gücləndirilməsi və gənc nəslin milli dəyərlərə bağlılığının artırılması idi.

Ekskursiya zamanı iştirakçılar Xocavənd rayonunun tarixi, mədəni və coğrafi xüsusiyyətləri barədə ətraflı məlumatlandırıldılar. Eyni zamanda, şagirdlərin Xocavənd rayonu ilə bağlı çəkdikləri rəsmlər də nümayiş etdirildi. Bu rəsmlər onların bölgəyə olan marağını, dünyagörüşünü və vətənə bağlılıqlarını ifadə edirdi.

Tədbir çərçivəsində iştirakçılar Azərbaycanın Milli Qəhrəmanı İbad Hüseynov ilə də görüşdülər. Görüş zamanı qəhrəmanlıq, vətənə xidmət və Qarabağ uğrunda mübarizənin əhəmiyyəti barədə dəyərli fikirlər səsləndirildi.

#UşaqSəfirlərMəclisi #ChildAmbassadorsCouncil #USM #CAC #USMregionalNümayəndəliklər