Uşaq Səfirlər Məclisinin Xocavənd Rayon üzrə nümayəndələri Namazlı Elmir və Şirinzadə Aysunun təşəbbüsü

Uşaq Səfirlər Məclisinin Xocavənd Rayon üzrə nümayəndələri Namazlı Elmir və Şirinzadə Aysunun təşəbbüsü, Xocavənd Rayon İcra Hakimiyyətinin dəstəyi ilə Beyləqan Rayon Gənclər Evinə maarifləndirici ekskursiya təşkil olunmuşdur.

Ekskursiya zamanı iştirakçılar Gənclər Evinin fəaliyyəti, həyata keçirilən layihələr və uşaqlara təqdim olunan imkanlar barədə məlumatlandırılmış, kitabxana, istirahət zonası, həmçinin atıcılıq bölməsi ilə tanış olmuş və bu bölmədə praktik məşğələlərdə iştirak etmişlər. Eyni zamanda uşaqlar arasında fikir mübadiləsi aparılmış, asudə vaxtın səmərəli təşkili ilə bağlı təcrübələr bölüşülmüşdür.

Tədbirin əsas məqsədi uşaqların sosial fəallığını artırmaq, onları ictimai həyata daha aktiv şəkildə cəlb etmək və fərdi inkişaflarına töhfə verməkdir.

#UşaqSəfirlərMəclisi #ChildAmbassadorsCouncil #USM #CAC #USMregionalnümayəndəliklər