Uşaq Səfirlər Məclisinin Qusar rayonu üzrə nümayəndələri Şənay Rüstəm və Rasim Dəmirovun təşəbbüsü

Uşaq Səfirlər Məclisinin Qusar rayonu üzrə nümayəndələri Şənay Rüstəm və Rasim Dəmirovun təşəbbüsü, Qusar Rayon İcra Hakimiyyətinin, Gənclər və İdman sektorunun dəstəyi və DYP bölməsinin rəisi baş leytenant polis Namiq Səmədov və digər yol patrul xidmətinin əməkdaşlarının iştirakı ilə "Yol Qaydaları: Gələcəyin Təhlükəsiz Addımları" adlı maarifləndirici tədbir keçirilib.

Yol patrul xidmətinin əməkdaşları uşaqlara yol hərəkəti qaydaları haqqında ətraflı məlumat veriblər. Tədbirdə Rayon İcra Hakimiyyətinin əməkdaşı Kamran Sadullayev də iştirak edib və uşaqlara qaydaların izahında fəal rol alıb.

Tədbirdə iştirak edən rayon fəalları da öz fikirlərini bildiriblər və yol təhlükəsizliyi barədə maarifləndirmənin vacibliyini vurğulayıblar.

Sonda uşaqlara təhlükəsiz keçidlərdən istifadə, işıqforlara əməl etmə və ümumi yol hərəkəti qaydaları haqqında məlumat verilib.

#UşaqSəfirlərMəclisi #ChildAmbassadorsCouncil #USM #CAC #USMregionalnümayəndəliklər