Uşaq Səfirlər Məclisinin məktəb nümayəndəsi Fatimə Fətəliyeva Türkiyədə keçirilən "Uluslararası Fethiye Altın Güneş Müzik və Dans Festivalı"ında iştirak edib

25 – 30 oktyabr tarixlərində Uşaq Səfirlər Məclisinin Heydər Əliyev adına lisey üzrə nümayəndəsi Fatimə Fətəliyeva Türkiyə Cümhuriyyətinin yaranmasının 100 illiyi münasibətilə Fethiye şəhərində keçirilən "Uluslararası Fethiye Altın Güneş Müzik və Dans Festivalı"ında iştirak edib.

Tədbirdə uşaqların ifasında şeirlər, mahnılar səsləndirilib, rəqslər nümayiş olunub, həmçinin gənc rəssamların əl işlərindən ibarət sərgiyə baxış keçirilib.

Festivalda mərkəzin gənc rəssamlarının əsərləri, "Azəri inciləri" rəqs qrupu və "Çiçəyim" uşaq teatrstudiyasının üzvlərinin çıxışları maraqla qarşılanıb.

Qeyd edək ki, Fatimə Fətəliyeva Elm və Təhsil Nazirliyinin 3 nömrəli Uşaq-gənclər İnkişaf Mərkəzinin "Azəri inciləri" rəqs qrupunun üzvüdür.

Ailə, Qadın və Uşaq Problemləri üzrə Dövlət Komitəsi

#UşaqdanUşağa #birlikdəöyrənək #UşaqSəfirlərMəclisi #USM #AiləQadınvəUşaqProblemləriüzrəDövlətKomitəsi #aqupdk #CAC