Uşaq Səfirlər Məclisinin İsmayıllı rayonu üzrə nümayəndələri Ruhəngiz Qasımova və Nazlı Mirzəliyevanın təşəbbüsü

Uşaq Səfirlər Məclisinin İsmayıllı rayonu üzrə nümayəndələri Ruhəngiz Qasımova və Nazlı Mirzəliyevanın təşəbbüsü və İsmayıllı Uşaq və Ailələrə Dəstək Mərkəzinin dəstəyi ilə Xanagah kəndində mərkəzdən bəhrələnən, həmçinin kənd məktəbləri şagirdlərinin iştirakı ilə uşaqların asudə vaxtının səmərəli keçirilməsi məqsədilə maarifləndirici infotur təşkil edilib. Səfərin əsas məqsədi uşaqlara təbiətimizin zənginliklərini daha yaxından tanıtmaq, onları ekoloji dəyərlərə həssas yanaşmağa təşviq etmək, asudə vaxtlarının səmərəli keçirilməsi olub.

İştirakçılar əvvəlcə kəndin zəngin meşə florası ilə, sonra isə bir-biriləri ilə tanış olublar. Tədbir maraqlı intellektual oyunlarla, müxtəlif əyləncəli yarışlarla yadda qalan olub. İlk olaraq tanışlıq məqsədilə "Mən kiməm?" adlı oyun, “Biri var idi, biri yox idi” başlıqlı nağıl terapiyası, təsadüfən seçilmiş 5 komandanın yarışına əsaslanan tapmaca tapma oyunu və İsmayıllının təbii-coğrafi, mədəni həmçinin, tarixi keçmişi əsasında 30 ədəd müxtəlif tipli suallara əsaslanan bilik yarışı keçirilib. Tədbir təbiətin qoynunda maraqlı söhbətlərlə sonlanıb.

#UşaqSəfirlərMəclisi #ChildAmbassadorsCouncil #USM #CAC #USMregionalnümayəndəliklər