Məclisin Qax nümayəndələri tərəfindən tədbir: “Heydər Əliyev – gənclərin ilham mənbəyidir”
Məclisin Qax nümayəndələri tərəfindən tədbir: “Heydər Əliyev – gənclərin ilham mənbəyidir”
Uşaq Səfirlər Məclisinin Qax üzrə regional nümayəndələri Məleykə Sadıqzadə və Gülay Mütəllibovanın təşkilatçılığı, Qax rayon Heydər Əliyev Mərkəzinin dəstəyi ilə “Heydər Əliyev – gənclərin ilham mənbəyidir” adlı tədbir keçirilib.
Çıxış edən Qax rayon Heydər Əliyev Mərkəzinin direktoru Arzu Dunusova bildirib ki, zaman keçdikcə Ulu Öndər Heydər Əliyevin yaratdığı irsin, ideyalarının bəhrəsini daha yaxından görür, tarixi paralellər fonunda dahi şəxsiyyətin müstəqil Azərbaycan naminə etdiklərinin miqyasının ölçüyəgəlməzliyini böyük qürurla qeyd edirik. Dahi şəxsiyyətin fəaliyyətinin hər bir istiqaməti uğurlarla o qədər zəngindir ki, bütün bunları bir tədbirdə əhatə etmək qeyri-mümkündür.
Qax üzrə regional nümayəndələri Məleykə Sadıqzadə “Heydər Əliyev və Azərbaycan gəncliyi”, Gülay Mütəllibova “Heydər Əliyev və azərbaycançılıq ideologiyası” adlı geniş təqdimatlar ilə çıxış edərək, Ümummilli Liderin Azərbaycan və azərbaycanlılar üçün gördüyü işlərin mahiyyətindən söz açıblar.
Daha sonra tədbir iştirakçıları arasında Ulu Öndərin həyat yolunu özündə əks etdirən suallardan ibarət iki mərhələli intellektual oyun keçirilib.
