22 avqust 2025-ci il tarixində Uşaq Səfirlər Məclisinin təşkilatçılığı və Azərbaycan Uşaqlarının İnkişaf Platformasının dəstəyi ilə baş tutan Debat Klubunun yekun görüşü

22 avqust 2025-ci il tarixində Uşaq Səfirlər Məclisinin təşkilatçılığı və Azərbaycan Uşaqlarının İnkişaf Platformasının dəstəyi ilə baş tutan Debat Klubunun yekun görüşü keçirilib. Görüşdə iştirakçılar etik davranış və düzgün ünsiyyət mövzusu ətrafında debat aparıblar.

Bir ay davam edən proqram çərçivəsində uşaqlar debat mədəniyyəti, arqument qurma, qarşı tərəfin fikirlərinə hörmətlə yanaşma, həmçinin ictimai çıxış bacarıqlarını öyrəniblər.

Klubun əsas məqsədi uşaqların tənqidi düşünmə, ünsiyyət və arqumentləşdirmə bacarıqlarını inkişaf etdirmək, onların gələcək fəaliyyətlərində tətbiq edə biləcəkləri real təcrübə qazandırmaq olub.

Yekun görüşdə çıxış edən AUİP-in sədr müavini Misir Məmmədov debatların uşaqların şəxsi inkişafı və sosial aktivliyi üçün böyük önəm daşıdığını vurğulayıb.

Proqramı uğurla başa vuran iştirakçılar sertifikatlarla təltif olunublar.

#UşaqSəfirlərMəclisi #ChildAmbassadorsCouncil #USM #CAC #Debat #DebatKlubu